2019.7.31 佐土原城 & 延岡城 (宮崎県)

 

上午出發到佐土原城，個100名城印就喺宮崎市佐土原歴史資料館嘅鶴松館，只限土日祝，平日就喺宮崎市城の駅嘅佐土原いろは館。

下午到延岡城，喺延岡駅搭巴士，車程約十分鐘就到達城山公園，因為巴士及電車嘅班次疏，所以蓋印完畢要抓緊時間回程喇。

2019.7.30 角牟礼城跡 (大分県)

 

角牟礼城跡係一個廢城，只剩基石遺構，個100名城印就喺豊後森藩資料館裏面。

2019.7.29 嬉野温泉佐賀元祖忍者村肥前夢街道 (佐賀県)

到達嬉野温泉後，去旅館放低行李，喺附近逛下。

「肥前夢街道」係一個以忍者為主題嘅遊樂設施，有唔同嘅展館、各種遊戲及體驗活動，面積都幾大架。 

 

2019.7.28 原城跡 & 小浜温泉 (長崎県)

 

早上出發去原城，個100名城印就放喺有馬キリシタン遺産記念館裏面。

蓋印後，去小浜温泉附近嘅海鮮市場蒸し釜や食蒸海鮮。

晚上入住小浜温泉嘅小型旅館，提供貸切風呂，房間向西，剛好睇到日落景色。

2019.7.27 福江城 (長崎県)

 

福江城位於長崎附近五島嘅福江島，去福江城只可搭船，由長崎港出發，搭ジェットフォイル約個半鐘就到達福江港，然後步行到五島氏庭園。因為行程匆忙，要即日來回，所以無時間周圍逛，實在可惜。

2019.7.26 唐津城 (佐賀県) & 金田城 (長崎県)

今日主要係蓋100名城印，上午去唐津城，下午就去金田城，去金田城有D轉折，從海路或空路去都得，我就搭內陸機去対馬，対馬空港好細，從福岡空港出發，約15分鐘機程，全機約四五十個座位，話咁快就到。因為穿船&飛機嘅班次少，所以要留宿一晚。