2014.7.31 別府地獄めぐり：血の池地獄、龍巻地獄 (大分県)

一口氣逛咗六個地獄，跟住就係午餐時間，幫襯呢間地獄蒸し工房：鉄輪。

地獄蒸し工房門口有「飲泉場」&「冷却装置モニュメント」。

鉄輪係江戸期嘅調理法，叫「地獄蒸し料理」。

地獄蒸し釜基本使用料（30分以内）510円，有專人教你點樣用。

我哋買咗呢兜冰鮮海鮮。

整好喇，始終唔係游水海鮮，味道麻麻地啫。

食飽就搭巴士去血の池地獄。

血の池地獄都幾大，慢慢逛，喺道休息吓都唔錯架。

血の池地獄係日本最古老嘅天然地獄，有「赤い熱泥の池」嘅稱號。

最後一站係龍巻地獄，剛好趕得到閉館前入去。

龍巻地獄無乜泉水架，按時噴啲熱水出嚟，有時高達50m。

龍巻地獄喺一定時間會噴一次，周期的に熱湯を噴出する温泉のことです。

等咗二十分鐘，終於噴喇。

啲熱水約150度，噴30～40分鐘。

睇完已經五點喇，逛咗一日，返酒店食dinner buffet，然後瞓嚕。

2014.7.31 別府地獄めぐり：かまど地獄、鬼山地獄、白池地獄 (大分県)

第四個係かまど地獄，有六個唔同性質嘅池，温度亦唔一樣。

一丁目，鐵銹色，係熱泥地獄。

二丁目，好細，無乜特別。

三丁目，乳白色。

四丁目，泥漿似的，係熱泥地獄。

五丁目，淡藍色。

六丁目，都係鐵銹色，係熱泥地獄。

沿指示行，又可以去極樂一丁目試飲。

極樂二丁目係手&足湯。

極樂三丁目噴蒸氣，有美容効果。

古時啲人用呢個地獄噴出嚟嘅蒸氣煮飯，所以叫かまど地獄。

逛完可以食吓嘢。

又可以買樽地獄豉油。

穿過地獄めぐり通り，經みゆき坂去鬼山地獄。

鬼山地獄又叫「ワニ地獄」，裏面有好多鱷魚。

佢哋利用温泉嘅熱力飼養鱷魚，我完全無興趣睇。

白池地獄嘅池水無色透明，有時淡藍色，有時又變為白色。

白池地獄裏面有個展覽館，佢哋就利用温泉嘅熱力飼養熱帶魚。