2018.8.3 佐伯城 & 臼杵城 & 中津城 (大分県)

 

今日嘅行程匆忙，到咗佐伯駅就搭巴士先去佐伯市歴史資料館蓋印。

蓋完印，喺附近逛下，然後向佐伯城登山口進發。

行下行下，發覺好似好遠，應該唔夠時間，所以放棄喇。

跟住搭JR去臼杵駅，大概行15分鐘到達臼杵市観光交流プラザスタンプ蓋印。

臼杵城係一個公園，不過原來嘅天守就唔見，但係都有部分遺跡標註。

最後一站係中津城，係中津駅行去約20分鐘。

天守閣應該係重建，入去蓋印，然後上去頂層睇下風景。

2018.8.2 久留米城 (福岡県) & 基肄城 (福岡県 ∕ 佐賀県)

 

離開下関，即刻搭JR去久留米，慢慢行，約30分鐘就到達篠山神社。

久留米城只剩低部分基石遺跡，基本上無乜嘢好睇喇。

蓋完印就匆匆趕去基肄城，基肄城位置喺福岡與佐賀之間，算佐賀縣卦。

由於前一排勁大雨，去基肄城嘅山路被封，上唔到喇，只可以喺基山町民會館蓋印。