今日係行程最後一天，朝早去小倉嘅「森鴎外旧居」睇睇。
呢位森鴎外係乜嘢人？ 「明治の文豪森鴎外が陸軍第１２師団軍医部長として小倉に赴任した折り、明治３２年６月から１年半住んだのが、この鍛冶町の家です。」
點解要去睇？因為免費參觀囉。不過我要趕搭車去久留米，未夠鐘開門就走咗去，所以喺門口影張相就算喇。
久留米駅都幾新幾靚，周邊都有D景點。
呢棵久留米黑松，好似幾出名。
因為下午機返港，所以無乜時間，因此隨便揀咗個就近嘅景點睇睇，就係畫家坂本繁二郎嘅故居。
裏面嘅導賞阿姨好認真，每個地方都介紹得好詳盡，係一次俾我練習日語嘅好機會。
阿姨特別介紹呢隻窗，有乜特別？就係古人嘅智慧，無扣無閂，用個木栓放喺木條中間，就可以將隻窗閂得穩穩陣陣。
阿姨非常熱情，我喺果度足足傾咗個幾鐘，予約咗嘅新幹線都過咗鍾，好彩我有JR PASS，不過無時間剩，只可以喺附近行。
久留米都有好多紅葉喎。
原來久留米係造車呔ゴム嘅發源地。
搭車返福岡時遇上久留米Station Festival嘅表演，不過都唔得閒睇囉。
搭新幹線好快就返到福岡，博多都開始有紅葉喇。
喺博多駅見到ARASHI嘅廣告。
最後喺博多めん街道食完呢碗拉麵就踏上歸途了。
呢間「だるま」，原來EXILE都幫襯過。
